Shefi i grupit parlamentar të SVP-së zvizerane, Thomas Aeschi i llogarit vendet e Ballkanit si një model në trajtimin e koronavirusit. Atje, pothuajse nuk ka të sëmurë nga koronavirusi në njësitë e kujdesit intensiv. Shefi i grupit parlamentar të SVP-së i kërkon Këshillit Federal që edhe Zvicra të kthehet në normalitet
Kreu i grupit parlamentar të SVP-së, Thomas Aeschi (42) u kthye të premten nga një udhëtim rrugor nëpër Europën Lindore dhe Ballkanin. Aeschi me veturë ka udhëtuar në 13 vende dhe ai është entuziazmuar. Ai ishte me sa duket i impresionuar veçanërisht nga mënyra se si vendet veprojnë me koronavirusin. Ai nuk pa pothuajse asnjë maskë dhe pothuajse nuk kishte asnjë të sëmurë nga koronavirusi në njësitë e kujdesit intensiv. Rreziku i mbingarkesës së sistemit shëndetësor është praktikisht i përjashtuar, përmbledh Aeschi në „Sonntagszeitung“, transmeton portali Shtegu. Prandaj, nuk është më e justifikuar një kërkesë për maskë dhe certifikatë në Zvicër.
Aeschi bën thirrje që Zvicra të kthehet në normalitet. Ndër të tjera, ai ishte gjithashtu në Poloni, Serbi dhe Shqipëri. Padyshim që këto vende i bënë përshtypje. Politikani nga Zugi tani është një tifoz i vendeve të Ballkanit, duke vlerësuar trajtimin e tyre të koronavirusit si një model për Zvicrën. „Në të gjitha këto vende praktikisht jeta është kthyer në normalitet“, thotë Aeschi. Asnjëherë nuk iu desh të tregonte certifikatën e tij Covid. Zyrtarët kufitar ia kanë kërkuar vetëm broshurën e tij të verdhë të vaksinimit kur hyri në Bosnjë-Hercegovinë.
Maskat gjithashtu rrallë shihen në Europën Lindore dhe në vendet e Ballkanit. Përjashtime janë Kroacia dhe Sllovenia. Përndryshe njerëzit rralë se mbanin maska edhe në restorante dhe hotele. Kjo pavarësisht nga fakti që në Shqipëri, për shembull, është akoma e detyrueshme të vendosësh maskë. Ato nuk merren parasysh.
Samira Hurst, nënkryetare e Task Forcës Federale, paralajmëroi këtë javë për një valë më të dhunshme sesa në vjeshtën e vitit 2020 që mund të ndikojë përsëri në Zvicër. Me 25 pacientë në njësitë e kujdesit intensiv dhe gjithsej 132 shtrime në spital për të sëmurët me koronavirus, vlerat referuese të koronës janë aktualisht në zonën e gjelbër.
Ndërkohë, presioni mbi njerëzit e pavaksinuar po rritet. Sipas gazetës, kryetari ii GLP-së Jürg Grossen (51) kërkon që personeli infermieror i pavaksinuar të identifikojë veten me një afishe. Të tjerët, të tillë si Christoph Berger, kryetari i Komisionit të Vaksinimit, tani gjithashtu kërkojnë një certifikatë në punë dhe në restorante. Këshilltari Kombëtar i FDP Kurt Fluri (65) madje dëshiron që ata që nuk dëshirojnë të vaksinohen, të paguajnë për kostot e spitalit nëse kanë koronavirus.