all

Pas një zënke të shkaktuar, kosovari ka dashur ta shtypë me veturë kolegun e punës

3 Lexime

Në vitin 2020, në Lyss të Zvicrës është përshkallëzuar një mosmarrëveshje. Një burrë ka dashur ta shtypë kolegun e tij të punës nga inati. Tani ai është dënuar

Në verën e vitit 2020, një operator 53-vjeçar vinçi nga Lyssi priti më kot udhëzimet nga kolegu i tij në tokë. Konflikti është përshkallëzuar pas punës kur 53-vjeçari ka ndjekur me veturë kolegun e tij të punës. Nga përplasja e afërt 43-vjeçari shpëtoi vetëm duke u hedhur në trotuar. Më pas operatori i vinçit e sulmoi me një kaçavidë, por viktima mundi ta shmangte.

Tashmë operatori i vinçit është përgjigjur për veprimet e tij para Gjykatës Rajonale të Bielit, siç raportoi “Ajour”, transmeton portali Shtegu.

43-vjeçari pretendon se drejtuesi i vinçit ka shfaqur vazhdimisht sjellje agresive dhe madje ka kërcënuar me dhunë gruan e tij. Mbrojtja mohoi akuzat dhe theksoi se mungonin provat për një kërcënim konkret për jetën. Një kalimtar i rastit i cili ka qenë i pranishëm në momentin e krimit ka mundur të dëshmojë në gjykatë kundër drejtuesit të vinçit dhe ka konfirmuar agresionin me veturën dhe kaçavidën.

Gjykata Rajonale e Bielit e dënoi kosovarin 53-vjeçar me 18 muaj burg me kusht dhe 96 gjobë ditore me nga 90 franga, ndër të tjera për rrezikim të jetës dhe tentativë për lëndim të rëndë trupor. Ai u shpall i pafajshëm nga gjykata për sulmin e dyshuar me kaçavidë.
Edhe pse ishte një kërcënim për jetën, gjykata vendosi kundër dëbimit nga vendi sepse i akuzuari nuk kishte kryer asnjë krim në Zvicër për më shumë se 20 vjet. Aktgjykimi ende mund të kalojë në shkallën tjetër.