06:03:50 2016-01-31
Situata në kufirin serbo-maqedonas mbetet edhe më tej e tensionuar, për shkak të fluksit të migrantëve. Tashmë, në këtë ngjarje janë përfshirë edhe taksistët lokalë.
Gjatë të shtunës, taksitët në Gjevgjeli e kanë bllokuar qarkullimin e komunikacionit hekurudhor në këtë qytezë, me qëllim që t`ua pamundësojnë migrantëve udhëtimin me tren për në veri. „Edhe ne duam të fitojmë nga transporti i migrantëve“, ka deklaruar për „Blick“ një taksist maqedonas me emrin Giorgi (29), njofton „Shtegu.com“. „Udhëtimi me tren i mbushë vetëm arkat e shtetit. Policia ka urdhëruar që migrantët të udhëtojnë vetëm me tren“.
Ata janë marrë vesh që bllokimi i hekurudhës të zgajsë shtatë ditë. „Po të paraqitet nevoja, ne do të qëndrojmë edhe më gjatë“. Vetëm po që se u lejohet që edhe ata të transportojnë migrantë deri në kufirin serb, ata do ta lirojnë rrugën. Tashmë dihet se bëhet fjalë për biznes, pasi ata kërkojnë 25 euro për një migrant. Një taksist në Maqedoni, mesatarisht fiton 150 euro në muaj.