06:57:15 2016-02-01
Procesi gjyqësor në Neu-Ulm të Gjermanisë, ndaj një kosovari, si i akuzuari kryesor për aksidentin në komunikacion, është ndërprerë. Para gjykatës, i akuzuari dhe viktima kanë dhënë deklarata të ndryshme, ndërsa tashmë pritet ekspertiza e mëtutjeshme e gjykatës
Procesi gjyqësor pranë Gjykatës rajonale në Neu-Ulm, lidhur me një aksident vdekjeprurës, në autostradën në afërsi të Hittistetten, në muajin maj të vitit të kaluar, javën e kaluar është ndërprerë pas vetëm dy orë seance, pasi kosovari i akuzuar 31-vjeçar dhe një pjesëmarrëse në aksident, në rolin e dëshmitares, kanë dhënë deklarata të ndryshme, shkruan „Aaugsburger Allgemeine“, njofton „Shtegu.com“. Në seancën e radhës gjykata do të marrë në pyetje edhe dëshmitarë të tjerë. Kosovarin akuza e ngarkon, pasi më 19 maj, ai kishte dashur të shkojë tek ish punëdhënësi i tij për të biseduar edhe një herë për punën e tij si kopshtar. Në Mercedesin e tij, kanë qenë të ulur edhe tre bashkëkombas të tij të moshës 25-, deri 30-vjeçare. Sipas prokurorit, ai ka qenë duke vozitur shumë shpejt dhe me këtë rast ka shkaktuar një aksident, me një shtetase 23-vjeçare gjermane, e cila ka qenë duke shkuar për në punë, me ç`rast janë përplasur Mercedesi dhe vetura e gjermanes „Micra“, ndërsa si pasojë, nga Mercedesi ka vdekur një person, farefis i kosovarit, i cili ka dalë nga vetura përmes dritares.
Deri më tani mbetet e paqartë nëse viktima 25-vjeçare ka pasur rripin e sigurisë. Në këtë aksident janë lënduar rëndë që të gjithë katër personat e tjerë. I akuzuari ka pohuar se ai nuk e ka prekur Micrën, por e kundërta.