Neonacisti gjerman dëbon refugjatët për në Kosovë, Maqedoni e Serbi

36 Lexime

Një vozitës autobusi në Gjermani ka bartur refugjatët e dëbuar nga Kosova, Maqedonia e Serbia, për në aeroport. Gjatë kësaj ai ka shfaqur simbolikë me radikalizmin e djathtë. Tashmë ai është pushuar nga puna.

 

Rrethanat e dëbimit masiv të refugjatëve nga Kosova, Maqedonia e Serbia, gjatë fillimit të javës, në aeroportin e Badenit në Gjermani, kanë shkaktuar protesta të shumta. Një vozitës, i cili i ka shoqëruar refugjatët për në aeroport, ka pasur të veshur në mënyrë demonstrative një bluzë me llojin „Thor-Steinar“, një firmë e cila tek neonacistët është shumë e dashur. Kompania e vozitësit është prekur tepër nga ky incident.

 

Sipas një zëdhënësi të autoriteteve të Karlsruhe, bëhet fjalë për një dëbim masiv, i cili po realizohet rregullisht në aeroportin Karlsruhe/Baden-Baden. Kësaj radhe, sipas Shoqatës „Freiburger Forum“ bëhet fjalë për rreth 75 persona, të cilët janë dëbuar për në aeroportet e Beogradit dhe Shkupit, me kompaninë „Bulgaria-Air“, ndërsa gjysma e tyre kanë qenë fëmijë dhe të rinj.

 

Vozitësi gjerman i kompanisë „Eberhardt“ nga Pforzheimi, menjëherë është marrë në pyetje nga drejtoria dhe gjatë të mërkurës, kompania ka deklaruar për „Badische Zeitung“ se një ditë më parë ai ishte pushuar menjëherë nga puna, transmeton „Shtegu.com“.

 

Mbajtja e veshjeve me shenjat e „Thor-Steinar“ është e ndaluar si në Bundestagun gjerman e në disa krahina të tjera, poashtu edhe nëpër stadiumet e futbollit anembanë Gjermanisë.