LAJME

Nëna kosovare dëbohet në agun e mëngjesit

35 Lexime

Pa kurrfarë paralajmërimi, kosovarja dërgohet në aeroportin e Mynihut në Gjermani

 

Ata kishin ardhur gjatë natës: Një nënë kosovare nga Nürnbergu i Gjermanisë, me fëmijën e saj njëvjeç e gjysmë, është dëbuar për në Kosovë – pa kurrfarë paralajmërimi. Dy partitë gjermane (Të Gjelbërit dhe Ekologët) kanë kritikuar për një „ashpërsi të panevojshme“ dhe „trajtim të padenjë“ me 23-vjeçaren.
Kosovarja ishte strehuar në një strehimore në Nürnberg. Ajo kishte ardhur në Gjermani para dy vitesh, por më kot i kishte lutur autoritetet për ndonjë azil të mundshëm. Pasi kishte marrë vesh lajmin se e bija ishte shtatzanë, babai e kishte martuar 23-vjeçaren me detyrim. Për të shmangur turpin dhe humbjen e nderit, ai e marton të bijën për një person 15 vite më të vjetër, i cili nuk është prindi i fëmijës, transmeton „NordBayern.de“. Për shkak të burrit të saj të dhunshëm, kosovarja ka qenë e detyruar të arratiset në Gjermani, ndërsa në qytetin Fürth ajo lind një djalë i cili tashmë është njëvjeç e gjysmë.
Por, në një aksion nate dhe të errët, ajo dëbohet së bashku me të birin – pa paralajëmrim, një ngjarje e cila ka shkaktuar kritika të shumta tek gjermanët. „Për fat të keq, nuk është hera e parë që Enti i migrimit po njolloste“, ka deklaruar politikani „i gjelbër“, Elke Leo, i cili ka përtkujtuar se një akt humanizmi dhe vendim individual pozitiv për persona të caktuar do të jenë e drejtë etike.
Edhe përkujdesësja e kosovares, Elisabeth Schwemmer, është e tmerruar. „Nuk kam pritur një egërsi të tillë“, pohon ajo. Tashmë një vit, ajo është u përkujdesur për kosovaren e re, por asnjherë nuk i kishte shkuar ndërmend se mund t`i ndodhë një gjë e tillë. Edhe nga Partia demokratike ekologjike ÖDP vijnë kritika të ashpra për rastin në fjalë, për të cilën, „principi i njerëzimit duhet të jetë devita më e lartë. „Në raste normale, personave të dëbuar së paku u jepet mundësia që të përgatiten“, ka përfunduar përkujdesësja Elisabeth Schwemmer.