19:46:45 2019-07-02
Humbëm një vajzë shembullore, një sportiste ambasadore, një bijë që na bënte krenare me veprat e saja.
Futbollistja Florijana Ismaili nuk jeton më, të gjithë e humbëm një shpirt dhe fytyrë të qeshur e pozitive. Ndjej një dhimbje të madhe dhe një shprastirë që na e la Flori Jonë, te gjithëve neve që e njohëm
E njoha vonë, pasi erdha në Zvicër, e njoha nga suksesi që bënte në çdo ndeshje dhe takim, me Zvicrën dhe BSC Young Boys-in.
Për Florin kishte për të shkruar me bollëk, sepse bënte ajo ishte kapitene dhe lidere e vërtetë e ekipeve të saja.
Gjithmonë u përgjigjej pozitivisht kërkesave për intervista dhe deklarata, për mua do të mbetët shembulli më i mirë se si duhet të bashkëpunohet, tash e tutje është një boshllëk që s’plotësohet, sepse kështu dinte dhe ishte edukuar vetëm Florijana.
Kam shkruar për sukseset e saja, saherë, ashtu vini fjalët dhe gishtat shkruanin menjëherë për këtë Flori që s’do ta kemi më midis nesh.
Nga e shtuna s’kam besuar se ajo shkoi dhe neve po na le me një dhimbje, si familje, shoqëri, si Komb.
Zoti i madhërishëm e shpërbleftë me Xhenet, Florijanën.
Familjes Ismaili, Zoti ua dhashtë forcën dhe durimin nga kjo sprovë.
Kasam Selimi, Bernë