Ekipi i Young Boys formon një zemër në përkujtim të Florijanës së ndjerë

19:22:57                2019-07-02

Futbollistja shqiptare, Florijana Ismaili të shtunën ishte zhdukur në thellësitë e liqenit Como. Pasditen e së martës erdhi lajmi i kobshëm, trupi i saj i pajetë është gjetur. Që në mëngjes, ekipi i saj futbollistik priste për lajmin më të rëndë. Skuadra e saj formoi një zemër si mbështetje për familjen.

Florijana Ismaili, ylli i Young Boys-it nga Berna, tashmë nuk është në mesin e të gjallëve. Polumbarët kanë gjetur trupin e saj të pajetë në rreth 204 metra thellësi të Liqenit të Comos. Pak kohë më parë, klubi i saj YB filloi një veprim solidariteti, informon Shtegu.com. „Jemi në pritje të më së keqes“, është shkruar në një komunikatë të ekipit.
Ekipi i parë i meshkujve dhe stafi i Young Boys-it, kanë formuar një zemër në kampin e stërvitjes në Fügen në Zillertal në përkujtim të Florijanës, familjes së saj dhe miqve të saj.

Klubi më tej thotë se ata janë në kontakt të ngushtë me të afërmit e Florijanës dhe u kanë dhënë atyre mbështetjen më të madhe të mundshme. Një delegacion i vogël i YB-së dhe SFV-së ka udhëtuar për në Liqenin e Como për të ndihmuar familjen.