02:42:57 2016-06-11
Edhe gjiganti zviceran i tregtisë, Migros nuk ka qëndruar duarkryq para se të fillojë ndeshja aq e pritur dhe e përfolur në mes dy kombëtareve, asaj zvicerane dhe shqiptare. Ditën e parë të punës, pas ndeshjes me dy ekipeve në fjalë, Migrosi ka paraparë t`i shpërblejë konsumatorët e tij me pika akumuluese gjatë blerjes së mallrave, të cilat më vonë shndërrohen në triska të vlefshme për të blerë mall në këtë supermarket, shkruan „Migros.ch“, njofton „Shtegu.com“. Në rast të fitores së ekipit zviceran ndaj Shqipërisë, konsumatorët do të përfitojnë dhjetë herë më tepër pikë akumulimi se sa zakonisht, në rast të barazimit pesë herë më tepër, ndërsa në rast të humbjes, dy herë më tepër pikë akumulimi.