Me pamjen e saj grandioze, ish kryetarja e Konfederatës zvicerane Micheline Calmy-Rey e kishte përfunduar mandatin e saj në periudhën 2003 – 2011. Ajo ishte e njhour për veshjet e saj ekstravagante, ndonjëherë të vlerësuara për mirë, por ndonjëherë edhe debatuese. Gjatë ditës së mërkurë, ajo ka festuar ditëlindjen e saj të 70-të dhe gjatë mandatit të saj, ajo ka qenë shpeshëherë temë e dukjes së saj të jashtzakonshme. Mu për këtë, ajo ishte shpërblyer në vitin 2011 me „Glory Style“ nga „Glanz & Gloria“, ndërsa shpërblimin e kishte pranuar personalisht.
„Pasqyra e veshjes dëshmon se kush jeni në të vërtetë“, kishte deklaruar në atë kohë Micheline Calmy-Rey. „Është shumë me rëndësi që personalitetit t`i qëndrohet besnik. Çdokush më thotë se kam një personalitet të çeliktë dhe stili im ndërlidhet me te“.
Se si e ka festuar ditëlindjen Calmy – Rey, ende nuk ka informata më të hollësishme. Por, me siguri me shumë stil. Sidoqoftë, Micheline Calmy-Rey do të mbetet një mike e shqiptarëve, pasi asnjëherë nuk ngurroi që atyre t`ua shtrijë dorën, duke u angazhuar personalisht në aspektin humantar, diplomatik e deri tek ai ushtarak, me angazhimin e trupave të Sëisscoy-it përkrah forcave të NATO-s në Kosovë për t’i kontribuar paqes dhe stabiliteit në rajon.
Me iniciativën e saj dhe me vendosmëri Micheline Calmy-Rey ishte e angazhuar seriozisht me avancimin e statusit të Kosovës, duke u deklaruar në vitin 2005 në favor të Pavarësisë së Kosovës para Këshillit të Sigurimit të OKB-së , Micheline Calmy – Rey ka kontribuar në mënyrë vendimtare për njohjen e Kosovës në vitin 2008 si shtet i pavarur dhe vendosjen e marrëdhënieve diplomatike. Micheline Calmy – Rey mbrojti njohjen e shpejtë nga Zvicra të Pavarësisë së Kosovës.
Urime pra ditëlindja e 70-të e nderuara mike e shqiptarëve !!!