Turma të dendura shihen çdo ditë nëpër trenat maqedonas, fytyra të ngrysura dhe njerëz të dëshpëruar. Skena si këto, janë bërë përditshmëri në „Itinerarin ballkanik“.
Njëzet e pesë euro mund të shpëtojnë jetë. Në këtë rast, me to mund të sigurohet një vend rrugëës për në Serbi. Edhe një përpjekje e radhës në drejtim të cakut: Europa Perëndimore. Mijëra refugjatë, për çdo ditë e kërkojnë fatin e tyre. Këto pamje nga Gjevgjelia e Maqedonisë, kanë tmerruar të përditshmen gjermane „Die Welt“, pasi kanë vërejtur një vozitës të trenit me një banknotë pesëqind eurosh në dorë, të cilën ka të ngjarë se dikush mund t`ia ketë ofruar për një vend në tren, njofton „Shtegu.com“. Jashtë trenit shihen persona të tjerë të dëshpëruar, të cilët mbajnë në duart e ngirtura lart të hollat e përgatitura për biletë.
Të dielën është paraparë një takim i jashtzakonshëm në Bruksel i vendeve të BE-së dhe Serbisë e Maqedonisë, për të shqyrtuar krizën në rajon.
