Dhjetë vite burg për maqedonasin që vrau kosovarin

Procesi gjyqësor i zënkës që kishte ndodhur para një bordeli në Lätti të Zvicrës, ka përfunduar të premten duke shpallur fajtor të akuzuarin.

Gjykata e dënoi të akuzuarin kryesor me dhjetë vite burg.
Gjykata rajonale e „Berner Jura-Seeland“ në Biel të Zvicrës, ka shpallur fajtor maqedonasin 43-vjeçar, në bazë të veprave të kryera penale „vrasje me paramendim“, „shkaktim i lëndimeve të rënda trupore“, „rrahje“, si dhe delikte të tjera penale, në mesin e të cilavë edhe vozitje në gjendje të dehur. Gjykata me këtë rast ka urdhëruar që personi në fjalë të qëndrojë në burg, shkruan „Bluewin.ch“, transmeton „Shtegu.com“.
Ndaj një të akuzuari të dytë, Gjykata ka shqiptuar një dënim me burg prej tetë muajsh, si dënim i shtesë i dënimit të mëparshëm, për shkak të shkaktimit të lëndimeve trupore dhe rrahjes. Ky person rastësisht ishte përfshirë në zënkën në fjalë, duke goditur viktimën me shqelm në kokë.
Gjatë zënkës me kosovarin, shtetasi maqedonas e kishte sulmuar me thikë viktimën, duke e goditur në sy, ndërsa goditja kishte depërtuar deri në tru.