Letra pa adresë në Islandë shkon në cakun e duhur

23:43:18           2016-09-06

Në Islandë ndodhin gjëra të çuditshme, ndërsa njëra ndër to është edhe dërgimi i letrave pa adresë. „Zonja punon në një supermarket“, ka shënuar dërguesi, i cili në mungesë të adresës, e ka vizatuar skicën e rrugës përmes së cilës mund të gjendet zonja në fjalë. Dhe, ai nuk ka dështuar, pasi postrieri e ka gjetur saktësisht pranuesen e letrës.

Historia e letrës kurioze e destinuar për në Islandë, e përshkoi tërë botën: Një turist, i cili kishte qenë për vizitë në një fermë kuajsh në fshatin Búðardalur, përmes letrës ka dashur t`i falënderojë vendësit për mikpritje. Pasi nuk i kujtohej adresa, ai në zarfë e vizatoi skicën e vendit ku kishte qëndruar dhe i shënoi disa informacione, në mesin e të cilëve se zonja punuaka në një supermarket. Dhe, ai nuk dështoi pasi letra kishte arritur në vendin e duhur, shkruajnë mediet botërore, njofton „Shtegu.com“.