LEGJENDA E BOKSIT, AZIS SALIHU KA PASUR MYSAFIR SPECIAL NË SPITAL

Delegacioni i Komitetit Olimpik të Kosovës (KOK), në krye me kryetarin Besim Hasanin, nënkryetarin Fatmir Makolli dhe zhytësin e  njohur, Ismajl Kasumi, e kanë vizituar Aziz Salihun në spital, i cili është duke u trajtuar tash e disa muaj në një spital në Stamboll.

“Delegacioni i KOK ishte ne vizite te Aziz Salihu i cili është në proces të shërimit nën përkujdesjen e mjekeve turq dhe familjes se përkushtuar!”, ka shkruar Makolli në Facebook, përcjell Express.

“Kampioni përshëndet popullin, i cili përherë e ka mbështetur e sidomos sportistet e Kosovës dhe premton se shume shpejt do te jete ne mesin e tyre!”, vazhdon Makolli.

Aziz Salihu nuk po kalon ditë të mira. Gjendja e ish legjende së boksit nuk duket e mirë, siç shihet edhe në këtë fotografi. Shpresojmë që “Zizi” ta kalojë këtë ‘betejë’ dhe t’i përmirësohet gjendja shëndetësore. /Express/