„Kurir“ dhe „Zavetnici“ vazhdojnë me shpifje ndaj shqiptarëve me lojëra fëmijësh

Screenshot Kurir

Në një artikull të publikuar ditën e sotme, e përditshmja serbe „Kurir“ ka publikuar një shkrim në të cilin shkruan se kinse një shqiptar e paska sulmuar politikanen serbe, Milicia Gjurgjeviq, nga partia Zavetnici.

Ndër të tjera, politikanja serbe pranon rregullisht me qindra mesazhe dhe komente nga ekstremistët shqiptarë, ka thënë ajo, informon Shtegu.com.

„Një njeri i panjohur që e prezantoi veten si `shqiptar`, u afrua tek unë në një parking jo shumë larg një televizori dhe më pyeti se ku e marr të drejtën të flisja publikisht se shqiptarët po i vrisnin serbët ?! Në mes të Serbisë, Beogradit tim, ma zënë rrugën duke u përpjekur të ma ndalojnë ta them të vërtetën me ton kërcënues. Ju nuk mund të më heshtni ashtu. Qindra mesazhe dhe komente që më lanë për çdo ditë ekstremistët shqiptarë, që përshkruajnë atë që `do të më bënin të gjallë a të vdekur` janë vetëm dëshmi se kemi të bëjmë me një bandë të copëtuar, terrorit të së cilës po i vie fundi. Nuk ka dorëzim“, ka theksuar Milica Gjurgjeviq për Kurir.