Askush nuk mund ta paramendojë gjendjen në ekipin e Ligës së tretë rajonale gjermane, KSV Hessen Kassel pa kosovarin Shqipon Bektashi! Në ndeshjen kundër ekipit të Hoffenheimit që përfundoi me rezultat baraz 2:2, sulmuesi 25-vjeçar kosovar ka shënuar dy golat për mysafirët duke i dhuruar ekipit të vet një pikë të vlefshme.
Bektashi kishte disa aksione të bukura të cilat i realizoi me sukses duke shënuar golin e tij të njëmbëdhjetë e dymbëdhjetë, gjë të cilën nuk e ka arritur asnjë futbollistë në të katër ligat zyrtare të Gjermanisë, bile as edhe Robert Lewandowski nga Bayerni i Mynihut, shkruan portali gjerman „hna.de“, transmeton „Shtegu.com“. Bektashi kishte shënuar pak para pauzës dhe 25 sekonda pasi ishte zëvendësuar, ndërsa në fund e kishte siguruar rezultatin përfundimtar 2:2. Bektashi edhe më tej do të mbetet i sukesshëm: Ndeshja me Hoffenheimin ishte ndeshja e parë jashtë fushës së tyre që nuk e kishte fituar.
Me këtë barazim, Hessen Kassel mbetet në pjesën e sipërme të tabelës së klasifikimit, në vendin e pestë, me gjasa reale për tìu bashkuar kuartetit të ligës.
Kosovari Shqipon Bektashi më i suksesshëm se Lewandowski
Date: