Në një qendër strehimi në Freiburg të Gjermanisë, në rrugën „Hammerschmiedstrasse“ është shkaktuar një zënkë në mes dy personave, me ç`rast njëri e ka goditur me kokë tjetrin. Me këtë rast, njëri nga pjesëmarrësit është lënduar.
Sipas një komunikate të policisë gjermane për të cilën informon „Badische Zeitung“, ndërsa transmeton „Shtegu.com“, zënka kishte filluar rreth orës 18.00 të së shtunës, në një qendër strehimi në „Hammerschmiedstrasse“ në Freiburg.
Një kosovar 28-vjeçar, i ka shkaktuar lëndime trupore një shtetasi 41-vjeçar maqedonas, duke e goditur me kokë në fytyrë. Shteasi maqedonas menjëherë është dërguar në spitalin më të afërt të qytetit, ku i është dhënë ndihma mjekësore.
Kosovari kishte deklaruar se sulmin e ka kryer në vetëmbrojtje, pasi paraprakisht kishte qenë i sulmuar nga shtetasi maqedonas. Hetimet për ndriçimin e plotë t ërastit janë duke vazhduar nga nëpunësit e stacionit policor Littenweiler.