Klitschko i përgjakur e humbë piedestalin botëror

53 Lexime

Vallë, a është ky fundi i kampionit të boksit?! Krejt papritmas, Wladimir Klitschko (39) e humbë betejën në kategorinë e rëndë për titullin e kampionit të botës, kundër britanezit të zhurmshëm, Tyson Fury (27) në mënyrë unanime me pikë.

 

 

Kjo është humbja e parë e Klitschkos pas njëmbëdhjetë viteve! Ai i humbë titujt e kampionit të botës në versionet WBA, IBF dhe WBO! Në këtë mënyrë, senzacioni i mbrëmjes kulminoi! Por, menjëherë pas meçit, Klitschko paralajëmroi se kundërshtarit do t`i kërkojë revansh!

 
Më tej, për Televizionin gjerman RTL, Klitschko deklaroi: „Më duhet ta pranoj se Tyson Fury ishte më i shpejtë dhe më i mirë. Distanca e kuajti një rol të madh. Unë u përpoqa, por nuk funksionoi“, ka vazhduar më tej Klitschko, bisedën e të cilit e transmeton „Bild“, njofton „Shtegu.com“.

 

 

Si duket, gjiganti britanez (2,06 metra i gjatë) e trullosi Klitschkon, pasi gjatë tërë kohës nuk u ndalë duke bërë grimasa të ndryshme. Gjatë intonimit të himneve kombëtare, ai sillej vërdallë, ndërsa pas raundit të parë i ngriti duart në shenjë të fitores. Përpos kësaj, ai nuk u ndalë duke i bërtitur Klitschkos.

 

 

Por, këtë ia mundësoi edhe Klitschko i cili gjatë tërë meçit dukej shumë i lodhur, duke mos arritur ta godasë kundërshtarin. Ai kishte shumë probleme me distancën ndaj Furys, duke mos arritur as t`i afrohet.

 

 

 

Deklaratë interesante në „RTL“ ka dhënë kampioni i tanishëm Fury: „Fuqia e Jezu Krishtit ma dhuroi fitoren“. Pas fitores, ai e mori mikrofonin dhe i këndoi një këngë bashkëshortes së tij: „I don’t want to miss a thing“ nga „Aerosmith“.

 
Një dramë të vërtetë përjetoi edhe e fejuara e Klitschkos, Hayden Panettiere (26) e cilë nën ethe e përjetoi humbjen e të dashurit të saj. Ajo pohon: „Edhe përpos humbjes, ai për mua është njeriu më mahnitës në botë“. Një ngushëllim i mirë për humbjen historike në Düsseldorf.