16:25:21 2019-08-09
Në rrugën „Brünigstrasse“ në Obwalden të Zvicrës, që nga mesdita e së premtes është duke qëndruar një autobus. Ai u ndalua nga policia për shkak të një kërcënimi, shkruajnë mediat zvicerane, informon Shtegu.com.
Brünigstrasse ndodhet në Kantonin e Obwalden dhe që nga e premtja rreth orës 11.40 është mbyllur për shkak të një incidenti me një autobus me autotarga të huaja. Deri më tani nuk ka pausr lëndime në njerëz.
Arsyeja e bllokimit të rrugës është bërë për shkak të një automjeti më të madh, ka komunikuar policia zvicerane. Zëdhënësi i policisë, Florian Ulrich ka konfirmuar se në Policinë Kantonale të Obwaldenit, kishte ardhur një kërcënim për vendosje të granatës në një autobus me autotarga të huaja. Autobusi menjëherë është dërguar në një parking, pasagjerët janë evakuuar dhe zona është vënë nën kontroll të rreptë. Për momentin, autobusi është duke u ekzaminuar nga specialistë, sipas Ulrich.
Koha e mundshme për lirimin e rrugës mbetet e paqartë, thuhet në komunikatën në vazhdim. Më shumë informacione janë paraparë gjatë pasdites.