17:13:07 2019-08-09
Gazetari Naser Pajaziti përmes një postimi në facebook ka komentuar sistemin e dështuar të drejtësisë në Maqedoninë e veriut, pas shpërthimit të skandalit “Zhvatja” , ku u përdhos edhe Prokuroria Speciale, një institucion hetimor shpresëdhënës që ishte propozuar dhe sponsorisuar nga ndërkombëtarët në vitin 2015.
Ai thotë që tani sistemi i këtij shteti, sidomos ai i drejtësisë ka rënë dhe shpresa e vetme për rikthimin në binarë është përfshirja e hetuesve dhe ekspertëve amerikan.
“Këtij shteti i ka ra sistemi. Nuk besoj që edhe prokurorë nga BE do e ristartojnë. Besimin e kemi vetëm tek një ekip hetuesish (prokurorë) amerikan 🇺🇸.
Kjo është shpresa e vetme që mund të rikthejë besimin tek drejtësia. Duhet të ndërmerret iniciativa sepse ka gatishmëri!”, ka theksuar Pajaziti. (INA)