Katër vitë burg për kosovarin që mashtroi të vejën zvicerane

E plotësuar:

Një zvicerane gjashtëdhjetëvjeçare ia besoi të gjitha ndjenjat një kosovari 38-vjeçar duke ia dhënë të gjitha të hollat që i kishte.

„U poshtërsova shumë“, ka deklaruar 60-vjeçarja të hënën, para trupit gjykues të Gjykatës penale në Lozanë. „Nuk e di se çfarë ka bërë me të hollat, por unë nuk kam shpresë se do të mund ta shoh përsëri edhe një cent të vetëm“. E veja zvicerane ishte viktimë e kosovarit S. që jetonte në Zvicër ilegalisht.

Ajo e kishte njoftuar kosovarin gjatë punimeve në një banesë, ndërsa ky i fundit menjëherë ia kishte gjetur dobësinë, duke u sjellë shumë miqësisht me te, përderisa ajo nuk u dashurua në te. Me këtë rast, ai e bindi të vejën që të banojë tek ajo. Brenda një viti, atij i mjaftoi koha që nga e veja të marrë gjysmë milioni frangash zvicerane, nga shitja e një shtëpie.

Para gjykatës, i akuzuari i mohoi të gjitha akuzat me një buzëqeshje në fytyrë. Sipas të dhënave të tij, ai i kishte premtuar viktimës se të gjitha të hollat do t`ia kthente me këste. Të hollat i kishte shpenzuar për të zgjidhur probleme të ndryshme, në mesin e të cilëve edhe pagesën e punëtorëve të tij, pasi ai ishte pronar i një firme përkundër qëndrimit ilegal në Zvicër. Gjithashtu, shumë të holla i kishte kushtuar edhe shkurorëzimi dhe operacioni i s`ëmës.

Por, e veja zvicerane nuk ka qenë e vetmja viktimë e kosovarit S., shkruan më tej „20 Minuten“, transmeton „Shtegu.com“. Ai gjithashtu kishte mashtruar një pensionist të lagjes duke „e lehtësuar“ për 60 mijë franga. Edhe këtë rast, kosovari e ka mohuar.

Kosovari i akuzuar ia kishte marrë edhe një bashkatdhetarit dhjetë mijë franga, ndërsa në vitin 2003, ai kishte qenë i dënuar me nëntë vite burg, për shkak të veprës penale „vrasje në tentativë“.
Buzëqeshja e tij nuk i ndihmoi aspak: Gjatë ditës së enjte, kosovari 38-vjeçar u dënua me katër vite nurg nga Gjykata penale e Lozabës. Prokuroria kishte kërkuar pesë vite burg. Ai u dënua për veprat penale „mashtrim, plaäçkitje dhe shantazh“.

Gjykatësit e llogaritën si „plaçkitës gjakftohtë dhe manipulant“. E fejuara e tij e re gjithashtu ka qenë e pranishme në procesin gjyqësor, ndërsa Gjykata kantonale ia kishte ndaluar martesën me te. Vëllai i tij, gjithashtu punëtor ilegal në Zvicër, po ashtu kishte qenë i pranishëm me të fejuarën e tij, të cilën ka dëshirë ta martojë. Shpenzimet gjyqësore arrijnë shumë prej rreth 80.000 frangave zvicerane.