20:31:32 2016-08-24
Dy vozitës autobusi (53-, dhe 56-vjeçar), tashmë katër ditë kanë vozitur nga Kosova për në Kölni dhe anasjelltas, pa bërë kurrfarë pushimi, informon në artikullin e tij „Bild“, njofton „Shtegu.com“.
Të dy vozitësit janë ndalur vetëm në Karlsruhe, për të marrë udhëtarë, ka deklaruar një polic, dëshmitar i ngjarjes. Autobusi ka qenë duke qarkulluar nga Kölni për në Kosovë. Tashmë katër ditë ata kanë kaluar relacionin prej 2.000 kilometrash, pa bërë ndonjë pauzë. Një gjë të tillë e dëshmon aparatura përkatëse e autobusit. Policia gjermane menjëherë e ka ndaliar qarkullimin e autobusit, ndërsa është vërtetuar se sipërmarrësi i këtij relacioni shpeshhëherë ka thyer rregullat e komunikacionit. Sipas policisë gjermane, ai është dënuar me një gjobë prej 4 mijë eurosh, ndërsa është i mundur edhe ndonjë dënim shtesë pas hetimit më të hollësishëm nga ana e Ministrisë së Transportit.