20:01:17 2016-08-24
Nevoja të bën shpikës të vërtetë. Me siguri kështu kishte menduar një vozitës 53-vjeçar nga Britania e Madhe, i cili kishte marrë rrugën për në Shqipëri.
Pasi nuk ka pasur më vend në automjetin e stërngarkuar për gjësende të tjera, ai nën automjet kishte vendosur disa mbeturina të mbështellura me plastikë.
Pas një kontrolli të policisë gjermane në Fürstenfeldbruck, ata janë habitur nga bagazhi i rëndë i vozitësit, i cili policisë i ka deklaruar se bëhet fjalë për mbeturina të rënda, të cilat në Shqipëri mund të shfrytëzohen edhe për një kohë të gjatë.
Për tu vërtetuar në peshën e rënda, policia e peshon automjetin, i cili në vend të 3,5 tonelatave të lejuara, ka qenë i ngarkuar me gjashtë tonelata, shkruan „Bild“, njofton „Shtegu.com“.
Vozitësit i është ndaluar menjëherë vozitja e mëtutjeshme, ndërsa do të duhet të llogaritë me një dënim të majmë.
