11:41:20 2016-05-08
Nëpër shkollat e Kantonit Thurgau, nxënësit myslimanë do të duhet të marrin pjesë nëpër orët e edukatës fizike dhe amvisërisë, edhe gjatë muajit të Ramazanit. Ky është vendimi i autoriteteve shkollore.
Gjatë muajit të Ramazanit nuk do të ketë rregulla të jashtzakonshme religjioze nëpër shkolla, ka vendosur Kantoni Thurgau. Muaji i agjërimit gjatë këtij viti është nga 6 qershori deri më 4 korrik.
Sipas një artikulli të „SonntagsZeitung“, autoritetet kantonale shkollore, në bashkëpunim me Shkollën e lartë pedagogjike të Thurgaut, kanë përgatitur një deklaratë përkatëse bilaterale.
„Dspenzimi i mësimit në lëndë të veçanta gjatë muajit të Ramazanit nuk është i mundur. Kjo vlen edhe për orët nga lënda e amvisërisë, gjimnastikës dhe notit“, thuhet në përmbajtjen e kësaj deklarate, njofton „Shtegu.com“.
Ai i cili nuk do të marrë pjesë në ndonjë provim sportiv, duhet „të llogaritë në një reduktim eventual të notës“.
Në lëndën e amvisërisë, nxënësit myslimanë „do të duhet të marrin pjesë aktive në gatim“, edhe po që se ata personalisht agjërojnë.
Me këtë rregull, Thurgaui është më rigorozi në krahasim me kantonet tjerë.