15:09:21 2016-05-07
Pas vdekjes së papritur të futbollisiti kamerunas në fushën e futboolit, Patrick Ekeng , në ndeshjen në mes të Dinamo Bukureshtit dhe FC Viitorul Constanta, në Rumani janë shtuar dyshimet në rolin e mjekëve lidhur me rastin, njofton Agjencia telegrafike „Mediafax“, transmeton „Shtegu.com“. Vetura e ambulancës nuk ka qenë e pajisur me sistem të reanimimit. Nga ana tjetër, mjeku i ekipit Liviu Bratianu, ka pohuar se në ambulancë janë ndërmarrë përpjekje reanimimi.
Sidomos, akuzat e një tifozi i rëndojnë së tepërmi mjekët. Ai ka pohuar se mjekët kanë qenë të papërgatitur: „Vozitësi i ambulancës ka ardhur pa mjek në vendin e ngjarjes. Në ndërkohë, mjekja kujdestare ka qenë duke pirë një cigare“.
Ekeng, i cili ka luajtur për ekipet Le Mans, Lausanne dhe Cordoba, ishte i moshës 26-vjeçare. Ai është futbollisti i dytë i ekipit të Dinamo Bukureshtit që ka vdekur në fushë. Në tetor të vitit 2000, kapiteni i skuadrës, Catalin Hildan, pas një sulmi në zemër ndërroi jetë fushën e futbollit, në moshën 24 vjeçare.