Modelja Maria Hidrissi mund të shihet vetëm dy sekonda në video dhe ajo tashmë është shndërruar në yll të pazbuluar, në spotin e reklamave të gjigantit të njohur suedez të tekstilit H&M. Shumë e relaksuar dhe e qetë, në video ajo shihet e mbështetur në kuadrin e derës. Ajo ka veshur një fanellë, pantallona, një mantel ngjyrë trëndafili dhe një shami.
Myslimanet nga shumë pjesë të botës janë mahnitur nga videoja, raporton „n24.de“, transmeton „Shtegu.com“. Në rrjetin social Facebook, shumica e tyre kanë shprehur falënderimet për këtë film. «Tani, shumica e grave myslimane do të tregtojnë tek H&M dhe tani ju duam edhe më shumë», ka shkruar një përdoruese. «Jam shumë e lumtur që më në fund, një emër kaq i njohur ka reklamuar edhe myslimanen“, ka komentuar një tjetër.