12:14:23 2016-08-27
Kjo foto e përshkoi gjithë botën dhe u bë simbol i tërmetit të fuqishëm në Itali, me ç`rast humbën jetën së paku 300 persona, ndërsa edhe shumë të tjerë gjenden nën rrënoja. Tashmë është bërë e qartë se çfarë shkroi murgesha shqiptare në celular dhe se si e shpëtoi një „engjull“.
Me ballin e përgjakur, e shtrirë përtokë dhe e frikësuar: Historia e tërmetit italian i takon murgeshës shqiptare, Marjana Lleshi. Një fotograf e kishte bërë foton në momentin kur ajo ishte duke ia shkruar një mesazh në celularin e saj, familjes dhe miqve në Shqipëri. Mu në atë moment, ajo ishte duke u shkruar se ishte ende e gjallë dhe shëndoshë e mirë.
Historia e murgeshës shqiptare i ka përlotur shumë njerëz: Të enjten, në një intervistë, 35-vjeçarja ka deklaruar se kishte bindjen se do të vdiste kur në mesnatë muret e manastirit Don Minozzi u shembën. Ajo u kishte shkruar miqve të saj që të luteshin për shpirtin e saj, ndërsa një njeri që e kishte shpëtuar, ajo e pagëzoi me „engjull“, shkruan „Heute“, njofton „Shtegu.com“.
Lleshi na manastir ka qenë me gjashtë murgesha të tjera, që përkujdeseshin për pesë zonja të moshuara. Kur i doli gjumi, gjithça ishte mbuluar në pluhur dhe gjak. Pasi u bindë se çfarë kishte ndodhur, u mundua të dalë jashtë nga dhoma e saj duke kërkuar ndihmë. Por, askush nuk i përgjigjej dhe nuk mund të dilte jashtë. „Pasi i humba të gjitha shpresat, fillova tu shkruaj mesazhe miqve të mi që të luteshin për mua dhe gjithnjë u shkruaja `lamtumirë`“, ka deklaruar ajo nga vendndodhja e saj aktuale në Ascoli Piceno. Familjes së saj nuk guxoi t`i shkruajë mesazh, pasi kishte frikë se i tai i saj do të pësonte dhe ta humbë vetëdijen.
Më në fund, një person i ri që përkujdesej për një zonjë të vjetër në manstir, e kishte shpëtuar. Paprtimas e kishte dëgjuar një zë: Motër Marjana, motër Marjana“. Ai e tërhoqi nga gërmadhat dhe pasi ishte ulur në mes të rrugës, filloi të shkruajë mesazhe se ende është e gjallë. Një fotograf i Agjencisë ANSA, mu në atë moment kishte qëlluar pranë duke i bërë foton. Motra ka deklaruar: „Unë u thashë lamtumirë, por nuk ishte lamtumira e fundit“.
Lleshi tashmë nuk dëshiron asgjë më tepër se sa javën e ardhshme të shkojë në Romë dhe të marrë pjesë në shenjtërimin e Nënë Terezës+.