Hapet fabrikë amerikane në Gostivar

38 Lexime

Lear Corporation, një furnizues kryesor global i karrigeve dhe sistemeve elektrike të veturave, sot i ka bërë publike planet e saj për hapjen e një fabrike për industrinë e automobilave, në prodhimin e karrigëve të veturave, në Gostivar të Maqedonisë gjatë kësaj vere. Lear i furnizon të gjithë prodhuesit kryesorë të automobilave në Evropë dhe repartin e saj fillimisht do ta hapë me treqind të punësuar, me ç` rast kapacitetet e saj do të përqendrohen në prerjen dhe qepjen e lëkurave dhe pëlhurave, me tendencë që më pas të zgjerohet edhe më shumë. „Duke pasur parasysh sukseset e Lear, kemi kënaqësinë që afarizmin tonë ta zgjerojmë edhe në Maqedoni. Kemi planifikuar që deri nga mesi i vitit të ardhshëm të ndërtojmë një fabrikë në rajon“, ka deklaruar Jeneanne Hanley, nënkryetar i repartit „Global Trim and Craftsmanship“ te Lear. “E vlerësojmë së tepërmi bashkëpunimin e të gjithë pjesëmarrësve, posaçërisht pasi bëhet fjalë për hapjen e një reparti të parë në Maqedoni“.