Godet Salihu, jepini rëndësi ushqimit në sport

18:38:15                2016-05-31

Njohësi i mirë i sportit, Avdyl Salihu, ka reaguar në profilin e tij në Fcaebook, duke i këshilluar sportistët që vëmendje të madhe t`i jepet edhe ushqimit të pasur, nëse dëshirojnë karrierë në arrenën ndërkombëtare. Sipas tij, bota ka shkuar larg në këtë aspekt, kurse në trojet tona ende i jepet pak rëndësi kësaj metode të përgatitjes. “Përgatitja e një sportisti për arenën ndërkombëtare, kryesisht për evenimente të mëdha përveç se kërkon përgatitje të lartë fizike si dhe asaj psikike, ndikim të madh ka edhe ushqimi i pasur me proteina, fibra e vitamine, që normal duhet përkujdesur nutricisti apo trajneri, varësisht prej njohurive që ka në këtë lëmi. Fatkeqësisht, kur bota i jep rëndësi këtij aspekti të ushqimit, ne ende merremi me thënien e vjetër shqiptare, “Buk e lang” deri tek suksesi. Gabim i madh, prandaj edhe kemi probleme në arritjen e rezultateve kulmore”, thotë profesori i diplomuar i edukatës fizike si dhe trajner i mundjes, Avdyl Salihu.