Gjermani: Gjykata nuk merret vesh me çiftin kosovar, kërkohet seancë e re

88 Lexime

23:56:43        2015-12-20

 

Gjatë javës që po e lëmë pas, gjykatësi gjerman, Stephan Hennemann nga Gjykata e qarkut e Mendenit në Gjermani, kishte filluar procesin gjyqësor ndaj një çifiti kosovar, i cili më 12 gusht e kishte shkaktuar një aksident në rrugën Mühlenbergstrasse, duke u larguar në mënyrë joligjore nga vendi i ngjarjes. Veturën ka qenë duke e drejtuar bashkëshortja e re pa patentë shoferi.

 

 

Gjatë fillimit të seancës, gjykatësi Hennemann kishte konstatuar se në sallë mungon përkthyesi shqiptar, pasi kosovari i ri nuk e njihte gjuhën gjermane. Pas pritjes për një kohë të caktuar, Gjykata ka filluar të kërkojë dokumentet që të vërtetohet nëse përkthyesit i është dërguar ftesa e rregullt. Gjatë kësaj kohe, u dëshmua se përkthyesi është ftuar me ftesë të rregullt.

 

 

Për të mos e prolonguar menjëherë afatin e seancës, në marërveshje me prokurorin, edhe përpos njohjes së pamjaftueshme të gjuhës gjermane të të akuzuarit, gjykatësi Hennemann vendosi që të vazhdojë seancën. Për këtë, ai e luti prokuroren që sa më ngadalë të jetë e mundur dhe sa më qartë, ta lexojë aktakuzën.

 

 

Çifti ka qenë në kërkim të disa pajisjeve të përdorura dhe duke dashur të parkohet në një vend për të mos i penguar komunikacionit, vozitësja e re ka shkaktuar një dëm në një veturë, duke u larguar nga vendi i ngjarjes në mënyrë të paligjshme. Pas kësaj, në timon është ulur bashkëshorti i saj dhe që të dy janë larguar nga vendi i ngjarjes.

 

 

„U largova që të gjej ndonjë vendparkim me qëllim që të kthehem sërish te vetura e dëmtuar. Unë vetëm e kam prekur veturën dhe nuk kam vërejtur se i kam shkaktuar ndonjë dëm“, ka deklaruar kosovarja në një gjuhë të shëmtuar gjermane.

 

 

Kur filloi pyetja e bahkëshortit, Gjykata vërtetoi se pa përkthyes, nuk është e mundur të arrihet deri te shprehja e tij për tu kuptuar.

 

 

Me këtë rast, gjykatësi Hennemann kërkoi ndërprerjen e seancës. „Dua të jem i sigurt se ai do të më kuptojë. Do të takohemi sërish pas Vitit të Ri“, ka përfunduar gjykatësi, shkruan „Der Westen“, njofton „Shtegu.com“.