Afrim Gashi nga Lëvizja “BESA” ka deklaruar për “Zhurnal” se nuk përjashtohet mundësia që kryetar i Këshillit Mbipartiak të jetë, Kim Mehmeti.
Sipas Gashit qëllimi i këtij Këshilli është që të bashkon të gjithë shqiptarët e Maqedonisë me një figurë emblemetike e cila nuk mund të kontrollohet nga asnjë parti politike.
“Ka shansa të jetë Kim Mehmeti, Andylmenaf Bexheti, Arsim Zekolli dhe të tjerë. Ideja e këtij Këshilli është që të bashkojnë popullatën shqiptare, ndërsa udhëheqësi i Këshillit të jetë figurë publike me peshë të madhe që nuk mund të kontrollohet nga asnjë parti politike. Qëllimi i këtij Këshilli mbipartiak është që të bashkohen sa më shumë parti, akademikë, profesor, artistë dhe intelektual të fushave të ndryshme të cilët do të largonin nga skena politike dy partitë shqiptare, BDI dhe PDSH”, ka deklaruar për Zhurnal, Afrim Gashi nga Lëvizja “BESA”.