Të nderuar miq, shokë dhe dashamirë,
Me nderim dhe mirënjohje të thellë, ju njoftoj se kam pasur privilegjën dhe kënaqësinë të dekorohem me titullin e lartë “Ambasador për Paqen në Botë” nga Universal Peace Federation (UPF).
Ky vlerësim i veçantë është një nxitje e madhe për mua që të vazhdoj angazhimin tim për paqen, harmoninë ndërfetare dhe përmirësimin e shoqërisë.
Falënderoj nga zemra Universal Peace Federation për këtë çmim të lartë, i cili përfaqëson një përgjegjësi të madhe dhe një përkushtim të vazhdueshëm për ndërtimin e një bote më të mirë. Ky titull nuk është vetëm një nder për mua, por edhe një mesazh shprese dhe uniteti për të gjithë ata që besojnë në fuqinë e paqes dhe dashurisë mes njerëzve.
Dëshiroj gjithashtu të ndaj këtë moment gëzimi me të gjithë ju – miqtë, bashkëpunëtorët dhe të afërmit e mi – të cilët më keni mbështetur gjithmonë në rrugëtimin tim. Le të vazhdojmë së bashku në përhapjen e vlerave të paqes, respektit dhe bashkëpunimit mes njerëzve dhe kombeve.
Me respekt dhe mirënjohje,
Setki Ibraimi
Ambasador për Paqen në Botë
