16:36:41 2019-07-01
27-vjeçari shqiptar nga Kumanova, është përforcim i pestë dhe i fundit i ekipit të sapokualifikuar në Ligën e dytë austriake, FC Dornbirn.
„Egzoni pikërisht i përshtatet filozofisë së lojës së ekipit, si një futbollist i pastër me referenca shumë të mira të tij dhe konsultimet me ish-trajnerët, na kanë bindur për një ndryshim“, thotë drejtori menaxhues sportiv i ekipit, Peter Handle. Bëhet fjalë për Egzon Shabanin, në të cilin ekipi i Dornbirn kishte shfaqur interes tre vite më parë, por atëbotë kishte dështuar transferimi,m shkruajnë mediat austriake, përcjell Shtegu.com. Futbollisti 27-vjeçar shqiptar nga Kumanova, në tre sezonet e fundit ka luajtur për Rappersëil-Jona, duke shënuar 16 gola në 95 ndeshje të ligës dhe duke ofruar 23 asistime ideale.
Pavarësisht performancës së tij të vazhdueshme në kampionatin e kaluar, ai nuk mundi ta ndalonte zbritjen e ekipit paraprak nga divizioni i dytë zviceran. Për ekipin zviceran të Brühl nga St. Galleni, lojtari shqiptar ishte jashtëzakonisht i shpejtë dhe i driblueshëm, shënoi 28 gola krenarë dhe 19 asistime, në 91 ndeshje. Për Altstätten ai ka shënuar 14 gola. Vlera e tij më e lartë e tregut sipas Transfermarkt.at ishte 375,000 euro. Me angazhimin e Egzon Shabanit, FC Mohren Dornbirn tashmë ka përfunduar programin e saj të blerjeve.