E pabesueshme, rezultat basketbolli në futbollin austriak: 2:42

SC Mödling luan në një rang të ulët të një lige austriake, Liga e dytë rajonale, Lindje/E mesme. Në ndeshjen e fundit, ky ekip humbi nga Unterwaltersdorf me rezultat të lartë 2:42, duke u penguar kundërshtarëve në kampionat. Mödling e përfundoi kampionatin si i fundit me vetëm dy pikë dhe një golaverazh prej 10:223. Përpos kësaj, trajneri i ekipit është treguar krenar ndaj ekipit të vet. Ja përse ?!
E përditshmja gjermane „Spiegel Online“ e ka kontaktuar trajnerin Michael Kanyka, i cili është krenuar me ekipin e tij, pasi në fushë të gjelbër ata kanë qenë me vetëm dhjetë lojtarë, ndërsa edhe ai personalisht me 49 vite është angazhuar në përbërjen e ekipit. Ai ndeshjen e përshkruan si një luftë e antilopës kundër luanit.
Përndryshe, trajneri Michael Kanyka është marrë në pyetje nga policia e sektorit kriminel nën dyshim të manipulimit të ndeshjes dhe kjo ndeshje ka bërë bujë të madhe në të gjitha mediet ndërkombëtare.