06:54:42 2016-02-06
Një italiane do të duhet të përgjigjet para trupit gjykues, për shkak të dyshimit se punët e shtëpisë nuk është duke i kryer me kujdes të duhur. Akuza vjen nga bashkëshorti i saj, i cili rastin e ka paraqitur në gjykatë.
Kjo është një „betejë rozë“ e një lloji të veçantë: Në Sonnino afër Napolit, një italianë do të duhet të përgjigjet para gjykatës pasi dyshohet se është amvise e keqe. Një gjë të tillë, së paku e pohon burri i saj. Italiani 40-vjeçar është ankuar se në shtëpinë e familjes së tij janë krijuar kushte të padurueshme. „Jemi të detyruar të jetojmë në kushte tejet të rënda higjienike“, i ka deklaruar italiani gazetës „Ill Fatto Quotidiano“, njofton „Shtegu.com“.
Gruaja nuk gatuan aspak mirë, më me dëshirë ajo i hedhë artikujt e blerë ushqimorë nga bashkëshorti, në mbeturina. Ajo gjithashtu nuk pastron tashmë kohë të gjatë dhe nuk mbahet mend se kur për herë të fundit e ka përdorur fshesën elektrike. Përveç kësaj, gruaja 33-vjeçare i kishte shkaktuar edhe probleme më intime. Me këtë, ajo i ka lënduar obligimet për përkujdesje dhe ka „abuzuar“ familjen e tij.
Gjykata italiane e ka përshëndetur akuzën e italianit si të arsyeshme, ndërsa më 12 tetor bashkëshortja e tij do të dalë para trupit gjykues. Po që se shpallet fajtore, asaj i kërcënohen deri gjashtë vite burg.
