E burgosura italiane nuk ka të drejtë ta përqafojë foshnjen e saj

Menjëherë pas lindjes, një e burgosur italiane, është dashur t`ua dorëzojë menjëherë foshnjen e posalindur autoriteteve të burgut. I gjithë kombi italian u zemërua pa masë
Historia tronditëse e një nëne të burgosur në Itali, ka bërë jehonë të madhe tek i gjithë kombi italian. Njëzetetrevjeçarja, Martina Levato, pas lindjes së fëmijës gjatë fundjavës, as që ka guxuar ta përqafojë për herë të parë fëmijën e saj, ka deklaruar avokati i saj. Ajo, personalisht është dëshpëruar në masë të madhe. „Ma shkatërruan jetën“, ka thënë gruaja e re. Levato dhe shoqëruesi i saj 30-vjeçar, janë dënuar në dhjetor të vitit të kaluar me 14 vite burgim, për shkak të sulmit ndaj ish të dashurit të saj me acid.
Ngjarja u kritikua ashpër nga mediet vendore, ndërsa prokurori italian e arsyetoi vendimin si „akt human“ në të mirë të foshnjes, pas këshillave të marra nga psikiatri.
Sipas avokatit të Levatos, në raste normale, vetëm të varurve nga droga dhe alkooli u merret fëmija. Ndaj Levato, e cila më parë kishte studiuar në një universitet privat në Milano, do të ngriten kallëzime penale edhe për vepra të tjera kundërvajtëse.