14:19:36 2015-12-21
Gjatë një zjarri që ka shpërthyer në një objekt banimi, të hënën në Rupperswil të Kantonit Aargau në Zvicër, kanë humbur jetën disa persona. Identiteti i viktimave ende është i paqartë, ndësa „Blick“ përmend shifrën prej katër personave.
Policia e Aargaus ka konfirmuar për „Blick.ch“ se zjarri kishte dëme të mëdha materiale dhe në njerëz. Tashmë, ai është shuar, por ende nuk dihen të dhënat e sakta për numrin dhe identitetin e viktimave. „Të dhënat përkatëse jënë në rrjedhë e sipër“, ka deklaruar zëdhënësi i policisë, Roland Pfister, njofton „Shtegu.com“.
Rreth orës 11.20 policia ishte alarmuar se në Ruppersëil kishte marrë flakë një objekt banimi. Forcat e shpëtimit menjëherë kanë arritur në vendin e ngjarjes, ndërsa në brendinë e objektit të djegur janë gjetur disa viktima. Zjarri është vënë nën kontroll dhe është shuar, ndërsa organet përkatëse janë duke punuar në zbardhjen e plotë të rastit.