15:50:47 2016-11-29
Nëntë lojtarë të ekipit futbollistik Chapecoense, nuk kanë hipur në avionin e rrëzuar. Përplot dhimje e dëshpërim ata janë tubuar në stadiumin e tyre.
Zemra të coptuara në lagjen e ekipit futbollistik Chapecoense në qytetin Chapecó, në jug të Brazilit: Tifozë dhe të afërm të ekipit qajnë dhe përqafohen, në pritje të lajmeve më të reja nga Kolumbia, pasi mbrëmjen e së hënës është rrëzuar avioni në afërsi të Medellinit, me 48 udhëtarë në bord.
Për shkak të një vendimi të udhëheqësisë së klubit, nëntë lojtarë nuk i janë bashkëngjitur ekipit: Alejandro Martinuccio, Rafael Ramos de Lima, Odair Souza, Demerson Bruno Costa, Marcelo Boeck, Andrei Alba, Hyoran Kaue Dalmoro, Moisés Ribeiro Santos dhe portieri Nivaldo. Të martën janë ulur në zhveshtoren e ekipit dhe kanë qëndruar të shokuar, duke u lutur e duke treguar dhimbjen e tyre. „Thjesht, ende nuk mund të besoj“, ka pohuar për portalin „DC Esportes“ mbrojtësi Demerson, njofton „Shtegu.com“.
Para hyrjes së stadiumit tashmë janë grumbulluar shumë tifozë, për të ngushëlluar njëri-tjetrin.