Vizita e fundit e Kryeministrit të Shqipërisë, Edi Rama, në Izrael ka prodhuar jo vetëm takime të nivelit të lartë, por edhe një valë të madhe reagimesh në opinionin publik mbarëshqiptar. Gjatë qëndrimit të tij, Rama rikonfirmoi mbështetjen e palëkundur të Shqipërisë për të drejtën e Izraelit për t’u mbrojtur, duke e cilësuar atë si një aleat strategjik në luftën kundër terrorizmit.
Megjithatë, ajo që ka shkaktuar polemika të forta është gjuha e përdorur përballë situatës humanitare në Gaza. Ndërsa organizatat ndërkombëtare dhe një pjesë e madhe e komunitetit global ngrenë akuza për krime lufte dhe gjenocid ndaj popullsisë civile palestineze, qëndrimi i hapur pro-izraelit i kreut të qeverisë shqiptare është parë nga kritikët si një „shkelje syri“ ndaj vuajtjeve të civilëve.
Analistët politikë theksojnë se kjo diplomaci e Ramës synon të forcojë lidhjet me SHBA-të dhe lobin izraelit, por në të njëjtën kohë e vendos Shqipërinë në një pozicion të vështirë përballë vendeve që kërkojnë drejtësi për krizën në Lindjen e Mesme. Kritikat janë përqendruar faktin se mbështetja pa rezerva mund të interpretohet si injorim i thirrjeve të OKB-së për armëpushim dhe respektim të të drejtave të njeriut.