Bruksel: Plagoset rëndë një kosovar

23:17:31              2016-08-21

Mbrëmjen e së shtunës, në Bulevardin „Emile Bockstael“ në Laeken të Brukselit, janë dëgjuar të shtëna armësh, me ç`rast një person ka marrë plagë të rënda. Sipas burimeve të „Shtegu.com“, bëhet fjalë për një shtetas kosovar, i cili është transportuar në spital, në një gjendje kritike. Për momentin, policia nuk ka arrestuar asnjë person.

 
Shkaqet dhe rrethanat e rastit ende nuk dihen, ndërsa të shtënat janë dëgjuar rreth orës 23.30, ka deklaruar prokurori shtetëror.

„Në këtë periudhë, qendra e emergjencës ka pranuar disa thirrje pas të shtënave me armë zjarri në Bulevardin `Emile Bockstael`“, ka precizuar zëdhënsja e Prokurorisë Ine Van Wymersch. „Vozitësi i një veture është qëlluar nga disa plumba, ndërsa supozohet se autori ka vepruar individualisht. Shërbimet e ndihmës së shpejtë e kanë dërguar në spital, ndërsa gjendja e tij ende është kritike për jetën. Policia belge është duke punuar në ndriçimin e plotë të rastit.