Një shembull dhe tregim i mendimtarit të shquar islam nga Egjipti Shejh Muhamed Sharavi është shumë aktual për të mashtruarit e sotëm të kapur nga ekstremizmi islam në petkun e vehabizmit (fe e re), por duke u thirrur në librin e shenjtë Kuranin dhe sunetin-jetën e Pejgamberit Muhamed s.a.v.s.!
Derisa të njëjtit nuk lejojnë në asnjë mënyrë të portretizohet apo tregohet me fotografi, apo film fytyra e Pejgamberit s.a.v.s. ata maskohen dhe imitojnë me pamjen e tyre të jashtme vetë Pejgamerin s.a.v.s. – imitim i jashëm në dukje dhe formë !!! Po asesi në përmbajtje, porosi dhe shembuj të vërtetë të jetës dhe veprës ! E gjatë imitimit të Pejgamberit s.a.v.s. shkojnë edhe më larg duke i dhënë vetes të drejt marrjen e jetëve të njerëzve tjerë ! Të tillët jo që nuk kanë lidhje me profetësi (nuk janë as Imam Mehdiu, as Hasreti Isa) po nuk mund të jenë as xhebraila për kryerjen e urdhrave të Allahut !
Në një debat të mendimtarit të shquar islam nga Egjipti, Shejh Muhamed Sharavi, me një kësi „xhihadisti“ të cilin e pyet : “ A është haram apo hallall vrasja, shpërthimi me bombë e eksploziv në ndonjë lokal nate në një shtet musliman“? „xhihadisti“ i përgjigjet : „Sigurisht është hallall dhe e lejuar“! Dhe i thotë atij „xhihadisti“ :“nëse ti i mbytë ata-ato, pse ata-ato ishin duke bërë mëkat Allahut, cili është përfundimi i tyre“? – „xhihadisti“ i përgjigjet :“zjarri i xhehnemit sigurisht“! E mendimtari i shtron pyetjen : „Po shejtani, ku dëshiron t`i dërgojë njerëzit“? „xhihadisti“ u përgjigj : „Në zjarr të xhehnemit sigurisht“! Atëherë mendimtari Shejh Muhamed Sharavi i thotë „xhihadistit“ : „A po e sheh se qëllimi dhe veprimi i juaj është i njëjtë me qëllimin dhe veprimin e shejtanit – futje e njerëzve në zjarr të Xhehenemit“ „!!
Mendimtari Shejh Muhamed Sharavi ia kujton atij hadithin e Pejgamberit s.a.v.s: „Kur kaluan para të Dërguarit të Allahut disa njerëz me një xhenaze jahudi, ai filloi të qajë, ata që ishin prezent e pyeten , „pse po qan o i Dërguar i Allahut s.a.v.s.“, ai u përgjigj: „na iku edhe një njeri nga dora pa i’a prezentuar Islamin, udhëzimin dhe rrugën e drejt“.
Mendimtari Shejh Muhamed Sharavi: „A e shihni dallimin mes jush dhe Pejgamberit s.a.v.s ? Si mendoni ju kur Pejgamberi s.a.v.s. angazhohej në udhëzimin e njerëzve dhe shpëtimin e tyre nga zjarri. Ju jeni me veprimin tuaj në anën e shejtanit dhe Pejgamberi s.a.v.s dhe Islami në anën tjetër. Islami është fe e butësisë marrëdhënieve të mira dhe fjalës së bukur.“ !
AUTORI:SHEFQET CAKIQI-LLAPASHTICA
GAZETAEXPRESS