Bedri Ajdari ’shpërthen me porosi emocionuese‘ ndaj shqiptarëve për protestat e nesërme!

53 Lexime

Anëtarët e Këshillit Organizativ të protestës “PROTESTOJ SHQIP” kanë mbajtur sot një konferencë për gazetarë në sheshin “Skënderbeu” në Shkup, ku kanë njoftuar për rrjedhën e aktiviteteve organizative për protestën e nesërme.

Edhe një herë, është rikujtuar se marshi protestues gjithëshqiptar “PROTESTOJ SHQIP” do të fillojë në parkun e Çairit në orën 17.00 dhe do të lëvizë nëpër rr. Cvetan Dimov, deri te semaforët e qendrës tregtare “Mavrovasja”, ku do të kthejë djathtas dhe do të drejtohet te Qeveria e Republikës së Maqedonisë.

Ndërkohë, gjatë pres-konferencës fjalim shumë emocionues ka mbajtur Bedri Ajdari, familjarit të të dënuarve në rastin „Monstra“, i cili në apelin e tij për shqiptarët tha, – „Qytetarë të nderuar ju ftojë që nesër të merrni pjesë sa më masovikisht në protesta, sepse ju e ndaluar zhdukjen e Haki Azirit, ju e ndaluat me reagimin tuaj autobusët mos të përgjaken me nxënës shqiptarë, ju i ndaluar skenaret e shumta, ju i ndaluat skenaret që ishin edhe më të errëta se Kumanova. Prandaj ju ftoj që në përkrahje tuaj dhe ti përkrahjen të gjithë këtyre rasteve, dhe ti jepni epilog drejtësie, sepse e keni parasysh ju e ndaluat edhe rastin e Sopotit mos të merr epilog negativ, pra i ftoj të gjithë shqiptarët nesër në protesta, ngase kjo platformë është gjithëshqiptare“. /Almakos/