Autotarga zvicerane në qerren e kuajve po bën xhiro në rrjetet sociale

Një autotargë e Bernës është zbuluar në një qerre kuajsh në qytetin verior të Gostivarit. Ende mbetet një sekret se si ka arritur ajo atje.

Një foto e një qerreje kuajsh me autotargë të Bernës, aktualisht po qarkullon nëpër rrjetet sociale, shkruan “20 Minuten”, përcjell Shtegu.com. Gjëja më kurioze është se fotografia është bërë në afërsi të qytetit verior të Gostivarit.

Si arriti në Maqedoninë e Veriut?

“Bëjeni tagg mikun tuaj të pasur nga Zvicra”: Operatorët e faqes në Facebook në të cilën ishte postuar fotografia u kërkojnë përdoruesve të tyre të komentojnë. Shumica e kanë ndjekur apelin, fotografia në diasporën e Maqedonisë së Veriut po i bën njerëzit të qeshin.

Pronari nuk është në dispozicion

Por, si arriti kjo autotargë e Bernës te ky bujk në Maqedoninë e Veriut? Pronarja e autotargës është një portugeze nga rrethina e Berner Oberlandit. Çfarë thotë pronarja e autotargës në lidhje me këtë foto dhe nëse ajo ka njohuri se autotarga e saj po përdoret në Maqedoninë Veriore, mbetet e paqartë. Të enjten, ajo nuk ishte e kapshme për koment.

Operatorët e grupit në Facebook supozojnë se autotarga në Maqedoninë e Veriut ka humbur dhe drejtuesi i qerres së kuajve e ka gjetur atë dhe ia ka bashkangjitur asaj.