13:03:54 2016-05-06
Një austriak 46-vjeçar është arrestuar mbrëmjen e së enjtes në hapësirat e qendrës islamike kulturore, në Laubgasse të Gracit, në Austri: Dyshohet se ai ka montuar dy koka derri në një parmak të xhamisë dhe minaren e saj e ka lyer me gjak. Disa kalimtarë e koshin vëzhguar autorin dhe menjëherë e kishin lajmëruar policinë, e cila e kishte arrestuar ate në vendin e ngjarjes, shkruajnë gjatë të premtes mediet austriake, njofton „Shtegu.com“.
Rreth orës 22.40, ai kishte hyrë në hapësirat e xhamisë, ende në ndërtim, ndërsa policia ka ndërmarrë të gjitha masat për të ndriçuar rastin. Qysh nga fillimi i muajit prill, policia është dashur të intervenojë me 60 policë, pas kërcënimeve të një grupimi „djathtist“.