Arrestohen të dyshuarit për tragjedinë e 71 refugjatëve

Njëri nga të dyshuarit gjatë marrjes në pyetje

Gjykata hungareze e qytetit Kecskemet, nën kryesimin e gjykatësit Ferenc Bicskei, ka urdhëruar paraburgim për të dyshuarit e tragjedisë së refugjatëve me 71 të vdekur, tre shtetasit bullgarë dhe një afgan.

 
Pas tragjedisë së refugjatëve, në mesin e të cilëve ishin edhe katër fëmijë, ata ishin arrestuar në një pjesë të autostradës A4 në Hungari.

 
Pas marrjes në pyetje të secilit individualisht, pasditen e së shtunës, trupi gjykues mori vendim që për ta të shqiptohet paraburgim. E gjithë kjo u ndërmor nga prokuroria për shkak të rrezikut të arratisjes së tyre, njofton „Shtegu.com“ duke iu referuar medieve austriake.