08:10:45 2015-12-30
Shqiptarët të cilët në një shtëpi në Gjenevë, kishin plaçkitur stoli në vlerë prej 700 mijë frangave zvicerane, janë arrestuar në Annemasse të Francës.
Tre shqiptarët e dyshuar për kryerjen e dhjetëra plaçkitjeve në Zvicër, janë arrestuar në Annemasse të Francës, më 24 dhjetor. Shqiptarët e moshës në mes 25 dhe 38-vjeçare, kishin plaçkitur stoli në vlerë prej 700 mijë frangave. Policia franceze ka komunikuar se ata në Francë i kanë pasur cak restorantet dhe pushimoret.
Ata janë arrestuar gjatë një kontrolli rutinë të policisë franceze, ka njoftuar zëdhënësi i policisë në Annemasse, transmeton „Shtegu.com“. Tek ta janë gjetur mjetet për plaçkitje dhe dorezat. Gjithashtu, u janë gjetur edhe disa letra me vlerë si dhe „gjah“ nga plaçkitja e paradokohshme në Puplinge të Gjenevës. Treshja i është dorëzuar Prokurorisë në Chambéry dhe së shpejti pritet të ekstradohet në Zvicër.