Ankth i rëndë në familjen e viktimave të aksidentit në Kërçovë

Mbrëmja e së enjtes ishte e kobshme për katër persona të cilët kanë vdekur gjatë një aksidenti në rrugën Kërçovë – Ohër, në afërsi të fshatit Kollare. Në aksidentin fatal përveç foshnjes Eliana, ka ndërruar jetë edhe motra dyvjeçare Safija dhe babai i fëmijëve, 28 vjeçari Dear A. nga Zajazi i Kërçovës, ndërsa në rrugën për në spital ka ndërruar jetë edhe Amzi.I (56) nga Fshati Sfillare e Poshtme i cili ka qenë bashkudhëtar. 26 vjeçari H.A dhe 31 vjeçari V.A nga fshati Sfillare e Epërme janë të lënduar rëndë dhe janë transferuar në Qendrën e emergjencës në Shkup.
„Vozitësi i minibusit mi mori më të dashurit, vëllain dhe dy mbesat e mia. Nusja është e lënduar rëndë dhe po lufton për jetë, ndërsa ne jemi duke u lutur që t`i shpëtojë më të keqes“, me këto fjalë i ka pritur gazetarët e „Dnevnik“-ut, vëllai i Dear Asanit nga Zajasi, viktimës së fatekqësisë së rëndë në afërsi të Kërçovës.
Veturën e llojit „Volvo“, në të cilën kanë qenë familja nga Zajasi, me shpejtësi të madhe e ka goditur minibusit i llojit „Ford Conect“ të cilin ka qenë duke e drejtuar V.A. (31) nga fshati Sfillare e Epërme, me ç`rast jetën e ka humbur edhe bashkudhëtari i lartpërmendur nga Sfillarja.
Atë ditë, ata ishin mysafir te prindërit e nuses të cilët jetojnë në fshatin Kollare. Duke u kthyer në shtëpi, mu para daljes nga rruga, tek shtëpia e fundit e fshatit, vozitësi i minibusit ka bërë parakalimin në vijë të plotë dhe ka goditur veturën e familjes time“, deklaron vëllai i Dearit.
Të afërmit e viktimave kanë pohuar se minibusi ka qenë duke lëvizur me shpejtësi jashtzakonisht të madhe: „Ka qenë duke vozitur më tepër se njëqind kilometra në orë, ndërsa aty rruga është kthesë dhe vijë e plotë. Por, si duket, vozitësi ka qenë duke shpejtuar dhe anipse është vijë e plotë dhe kënd i pashikueshëm, ai e ka tejkaluar një kamion dhe më pas e ka goditur `Volvo`-n“, deklraon njëri nga familjarët e viktimave.