08:12:08 2016-12-23
Në qendrën tregtare Centro të Oberhausenit në Gjermani, policia gjermane ka penguar mbrëmjen e së enjtes një sulm të mundshëm. Me këtë rast, në Dusiburg janë arrestuar dy vëllezër nga Kosova, të dyshuar në lidhje me ngjarjen.
Mbrëmjen e së enjtes, policia e Oberhausenit në Gjermani, ka aktivizuar shumë forca të veta policore në qendrën tregtare Centro, duke iu referuar dëshmitarëve të cilët në vendngjarje kanë vërejtur forca të mëdha policore, të armatosura deri në dhëmbë.
Rreth orës 22.00, aksioni ka përfunduar, njoftojnë mediet gjermane, përcjellë „Shtegu.com“. Qendra nuk është evakuuar, ndërsa edhe vizitorët nuk e kuptuan se çfarë po ndodhte saktësisht. Policia e Oberhausenit nuk ka dhënë detaje më të hollësishme për ngjarjen.
„Gjithnjë mbetet detyrë e vështirë për të vërtetuar informatat“, ka pohuar zëdhënësi i policisë gjermane për „Der Westen“. Policia paraprakisht ka pranuar një informatë për një sulm të mundshëm dhe menjëherë i ka dërguar forcat e veta në vendngjarje.
