Tmerrin e vërtetë nga luftimet dyditore në Lagjen e Trimave në Kumanovë mes forcave policore të Maqedonisë dhe grupit të armatosur e kanë përjetuar edhe familja e futbollistit të njohur nga Kumanova, Taulant Seferi, i cili luan me Young Boys në Zvicër. Atij ia kanë burgosur vëllain Afrimin.
Taulanti ka bërë një postim në facebook, ka vendosur edhe një foto me vëllain e tij të dashur, ku kërkon lirimin e tij, për të cilin thotë se është i pafajshëm.
“Vëllau im, e lus ALLAHUN që e drejta të del në shesh. Ti je i pafajshëm. Ky shtet po bën manipulime të shumta, duke i shërbyer shtetit kaq shumë vite dhe përsëri ti arrestohesh për një gjë që s’e ke bërë asnjëherë. Ti Vëllau im, ti je i pafajshëm. Me emrin e ALLAHUT XH.SH e drejta do të del në shesh. ALLAHU vonon, por asnjëherë nuk harron! Ti je Mbreti im Vëlla Afrim E Seferi. Je totalisht i pafajshëm, pa asnjë pikë dëmi ndaj shtetit maqedonas”, shkruan Taulanti në postimin e tij. Taulant Seferi është futbollist i reprezentacionit të Maqedonisë në futboll./lajm/