00:41:26 2016-05-09
Në rrjetin e Facebookut është postuar një video që ka shkaktuar reagime të shumtë në mbarë botën. Në të shihet një azilkërkues i hendikepuar në stacionin e trenit në Paris, i cili është kontrolluar nga policët. Ata e kanë poshtërsuar e përulur personin me nevoja të veçanta, të cilit i mungonin një dorë dhe dy këmbë.
Për shkak të dyshimit se ka vjedhur, ai është kontrolluar detajisht. Fillimisht, policët i kanë kërkuar dokument identifikimi, e më pas kanë dashur t`ia kontrollojnë edhe celularin. Me urdhër të tyre, ai ua tregon leternjoftimin, ndërsa më pas ndodhi e papritura, shkruan „L` Express“, transmeton „Shtegu.com“.
Policët kishin pohuar se celulari ishte i vjedhur, ndërsa i hendikepuari kishte kundërshtuar duke dashur të zgjidhë situatën. Kjo gjë i zemëroi pa masë policët, të cilët e mbështesin për muri dhe ia tërheqin njërën këmbë. Nëpërmes të Televizionit francez „France24“, ai ka pohuar: „Unë u sqarova se këmba është vetëm një protezë. Por, ata këmbëngulën të më kontrollojnë që më poshtërsoi shumë“.
Policët nuk ishin kënaqur me kaq: Ata i shpërndanë në tokë celularin, letërnjoftimin dhe protezën, kështu që refugjati i gjorë nuk arriti të kontrollonte situatën me forcat e tij. Vetëm pas protestave të disa kalimtarëve të rastit, policët kishin vazhduar mëtutje.
https://www.youtube.com/watch?v=XHlv0XQBmVs